Ohana Wall er sameiginlegt dagatal fyrir alla fjölskylduna. Æfingarnar úr Abler og skóladagatalið úr InfoMentor koma inn sjálfkrafa, við hlið matseðils vikunnar, innkaupalistans og heimilisverkanna. Það hangir á veggnum heima á spjaldtölvunni sem þú átt nú þegar, og sama dagatalið er í símanum þínum í vinnunni.
Ekkert greiðslukort • Virkar á iPad, Android, Surface eða hvaða skjá sem er
Íslenskt fjölskyldulíf er skipulagt í Abler, InfoMentor, tölvupósti og hausnum á öðru foreldrinu. Það þarf ekki að vera þannig.
„Hvenær er æfing hjá honum aftur?“
Abler-æfingarnar birtast sjálfkrafa á dagatalinu, í símanum og á veggnum. Engin leit í appinu, ekkert gleymt skutl.
„Var eitthvað í Mentor sem ég átti að sjá?“
Skóladagatalið og heimanámið koma sjálfkrafa inn með dagatalshlekk, stundataflan með einu skjáskoti. Skiladagarnir hanga á veggnum þar sem allir sjá þá.
„Hver skutlar og hver sækir í dag?“
Allir sjá sama dagatalið, litamerkt eftir fjölskyldumeðlimum. Dagurinn skipuleggur sig sjálfur.
„Af hverju þarf ég að muna þetta allt?“
Skipulagið hættir að búa í hausnum á einu foreldri og flyst upp á vegg þar sem allir sjá það.
Íslensk börn eru skráð í Abler fyrir íþróttir og tómstundir og í InfoMentor fyrir skólann. Ohana Wall tengist báðum, svo þú þarft ekki að slá neitt inn tvisvar.
Æfingar og leikir barnanna sækjast sjálfkrafa úr Abler og birtast á fjölskyldudagatalinu, merkt á rétt barn og uppfært á 15 mínútna fresti.
Skóladagatalið og heimanámið úr Mentor koma sjálfkrafa inn með dagatalshlekk, stundataflan með einu skjáskoti sem gervigreindin les. Skiladagar og kennslustundir birtast við hlið alls annars, svo morgnarnir byrja ekki á „hvað er eiginlega í dag?“.
Auk þess: Google Calendar, Apple iCloud dagatal, Outlook og hvaða ICS dagatal sem er. Dagatal vinnunnar, saumaklúbburinn og afmælin í fjölskyldunni lenda þá á sama stað og skólinn og æfingarnar.
Frítt í 30 daga, ekkert greiðslukort. Tekur um tvær mínútur.
Mentor, Google og Apple beint í símanum; Abler einu sinni í tölvu. Allt rennur saman í eitt fjölskyldudagatal.
Gamli iPad-inn, Android-spjaldtölva eða hvaða vafri sem er. Opnaðu slóðina, búið.
Fjölskyldudagatal virkar best þegar allt sem heimilið þarf að samræma er á einum stað, sýnilegt öllum, líka börnunum sem eiga ekki síma.
Vikan hjá öllum á einum skjá, litamerkt eftir fjölskyldumeðlimum. Skóli, æfingar, vinna og afmæli hlið við hlið, svo allir sjá hver er hvar og hver skutlar.
Verkefni barnanna með hökum og stjörnum. Stjörnurnar safnast upp í verðlaun sem þið ákveðið saman, og enginn getur sagt „ég vissi ekki“.
Skráið máltíðir vikunnar og setjið þær á réttan dag. Spurningin „hvað er í matinn?“ svarar sér sjálf á veggnum.
Allir bæta á sama listann úr símanum eða á skjánum. Í búðinni hakar þú við og listinn er réttur heima líka.
Skiladagar úr InfoMentor á veggnum þar sem barnið sér þá.
Skjátími, tannburstun og háttatími í fullri stærð.
Klæðnaður dagsins ákveðinn áður en farið er út.
Ljós, sviðsmyndir og tónlist á sama skjá, fyrir snjallheimilin.
Veggskjárinn er fyrir alla fjölskylduna heima. Foreldrarnir opna sama dagatalið í Ohana Wall appinu í símanum, sjá hvað er hjá krökkunum í dag og bæta við viðburði, verkefnum og vörum á innkaupalistann hvar sem þeir eru. Breytingin birtist á veggnum um leið.
Viltu frekar hafa viðburðina í dagatalinu sem fylgir símanum? Í stillingunum býrðu til dagatalshlekk fyrir heimilið og bætir honum við Apple dagatalið eða annað dagatal sem tekur við áskrift. Æfingarnar úr Abler fylgja með, svo þær birtast loksins í Apple dagatalinu líka.
Erlendu fjölskylduskjáirnir kosta frá $299,99 (Skylight) upp í $699 (Hearth) í innkaupum áður en áskriftin bætist við, og hvorugur talar við Abler eða InfoMentor. Ohana Wall er bara hugbúnaðurinn: hann keyrir í vafra á spjaldtölvunni sem liggur ónotuð í skúffunni.
Við erum fjölskylda í Hafnarfirði. Ohana Wall varð til við eldhúsborðið hjá okkur. Við vorum þreytt á að skipulagið byggi í mörgum öppum, á miðum og í hausnum á okkur, og bjuggum þetta til saman til að leysa okkar eigið vandamál. Núna hangir vikan á veggnum hjá okkur, og við viljum að fleiri íslenskar fjölskyldur fái sama frið.
Fjölskyldan á bak við Ohana Wall
Fjölskyldudagatal er eitt sameiginlegt dagatal fyrir allt heimilið, þar sem allir sjá hvað er á dagskrá hjá hverjum. Í Ohana Wall er það á skjá á veggnum heima og í símum foreldranna, litamerkt eftir fjölskyldumeðlimum, með heimilisverkum, matseðli vikunnar og innkaupalista á sama stað.
Abler fyrir æfingar og leiki, InfoMentor fyrir skóladagatal, heimanám og stundatöflu, og Google Calendar, Apple iCloud, Outlook eða hvaða dagatalshlekk (ICS) sem er. Dagatalshlekkirnir uppfærast sjálfkrafa á 15 mínútna fresti.
Já. Þú býður hinu foreldrinu inn á heimilið og þið sjáið sama dagatalið í Ohana Wall appinu. Þið getið líka búið til dagatalshlekk fyrir heimilið í stillingunum og bætt honum við Apple dagatalið; æfingarnar úr Abler fylgja þá með.
Já. Abler-tengingin er innbyggð. Æfingar og leikir sækjast sjálfkrafa og uppfærast á 15 mínútna fresti, merkt á rétt barn. Tengingin er gerð einu sinni í tölvu (um 5 mínútur); leiðbeiningar eru á ohanawall.com/hjalp/abler.
Í tveimur skrefum, bæði í símanum. Skóladagatalið og heimanámið koma með dagatalshlekk (iCal) sem þú finnur undir Dagatal í Mentor og límir inn í Ohana Wall; þau uppfærast sjálfkrafa eftir það. Stundataflan er ekki í hlekknum: þú tekur skjáskot af henni í Mentor, gervigreindin les töfluna og þú samþykkir tímana. Leiðbeiningar á ohanawall.com/hjalp/mentor.
Hvaða tæki sem er með vafra: gamall iPad, Android-spjaldtölva, Surface, sjónvarpsskjár með smátölvu, eða bara tölvan. Margir byrja á spjaldtölvunni sem er til á heimilinu og kaupa vegghaldara síðar.
Fyrstu 30 dagarnir eru fríir og ekkert greiðslukort þarf til að prófa. Eftir það kostar áskriftin $69 á ári eða $8,99 á mánuði, allt innifalið og ótakmarkaður fjöldi skjáa. Verð eru í Bandaríkjadölum og virðisaukaskattur bætist við í kassanum. Engin sérstök skjátölva, engin viðbótargjöld.
Viðmótið er á ensku eins og er, en dagatölin þín, verkefnin og listarnir birtast auðvitað eins og þú skrifar þau, á íslensku. Íslensk þýðing er á óskalistanum; láttu okkur vita ef hún skiptir þig máli.
Prófaðu í 30 daga. Ef veggurinn breytir ekki morgnunum ykkar kostar það ekki krónu.